فیڈرل بورڈ آف ریونیو نے مقامی طور پر تیار لگژری گاڑیوں پر 25 فیصد سیلز ٹیکس عائد کر دیا۔
ایف بی آر نے لگژری گاڑیوں پر سیلز ٹیکس کا ایس آر او جاری کر دیا جس کے مطابق ٹیکس مقامی طور پر تیار 1400 سی سی اور اس سے بڑی گاڑیوں پر عائد کیا گیا ہے۔
ایس آر او کے مطابق 40 لاکھ روپے یا اس سے زیادہ مالیت کی گاڑیوں پر بھی یہ ٹیکس عائد ہو گا، مقامی طور پر تیار اور ڈبل کیبن گاڑیوں پر بھی 25 فیصد ٹیکس عائد ہو گا۔
ذرائع ایف بی آر کے مطابق مقامی طور پر تیار ایس یو وی اور سی یو وی گاڑیوں پر یہ ٹیکس پہلے ہی عائد ہے جبکہ درآمدی گاڑیوں پر بھی یہ ٹیکس پہلے سے عائد ہے۔
