ترجمان پاکستان شوگر ملز ایسوسی ایشن پنجاب زون نے کہا ہے کہ حکومت نے اضافی چینی برآمد کرنے کی اجازت دینے سے انکار نہیں کیا۔
لاہور سے جاری بیان میں ترجمان نے کہا کہ وزارتِ صنعت و پیداوار میں چینی برآمد کا پراسیس جاری ہے۔ برآمد کی اجازت نہ دینے کی خبر پھیلا کر گھناؤنی سازش کی گئی۔
ترجمان کے مطابق وزارتِ صنعت کے ساتھ اسٹاکس اور ملکی ضروریات کے اعداد و شمار پر اتفاق ہوا۔
ترجمان نے کہا کہ آخری ہونے والے اجلاس میں چینی برآمد کی بابت مثبت پیش رفت ہوئی۔ اس ہفتہ میں چینی برآمد سے متعلق حتمی حکومتی فیصلہ متوقع ہے۔
