ٹماٹر لہسن اور لیموں کی قیمت میں اضافہ

(ویب ڈیسک) صوبائی دارالحکومت پشاور میں سبزیوں کی قیمت میں اتار چڑھاؤ کا سلسلہ جاری ہے، ٹماٹر، لہسن اور لیموں کی قیمتوں میں اضافہ ہو گیا۔

ایک ہفتے کے دوران ٹماٹر کی فی کلو قیمت میں 30 روپے اضافہ ہو گیا ہے،سرکاری نرخنامے میں ٹماٹر کی فی کلو قیمت 160 روپے مقرر کی گئی ہے۔

لہسن کی فی کلو قیمت میں 70 روپے اضافہ ہونے سے قیمت 670 روپے کی سطح پر پہنچ گئی ہے، لیموں کی قیمت میں 80 روپے سے بڑھ کر 100 روپے کلو ہو گئی ہے۔

پیاز 10 روپے، ادرک 150 اور مٹر کی فی کلو قیمت میں 70 روپے کی کمی ہوئی ہے، سرکاری نرخنامہ میں پیاز کی فی کلو قیمت 130، ادرک کی فی کلو قیمت 650 روپے جبکہ مٹر کی فی کلو قیمت 150روپے مقرر کی گئی ہے۔