امریکی صدارتی انتخاب میں ڈونلڈ ٹرمپ کی دوبارہ کامیابی پر ایران نے ردعمل کا اظہار کیا ہے۔
حکومتی ترجمان فاطمہ مہاجرانی نے بیان میں کہا کہ امریکا میں کوئی بھی صدر بنے ہمیں فرق نہیں پڑتا امریکا میں صدارتی انتخابات کا ہم سے زیادہ تعلق نہیں ہے۔
ترجمان نے کہا کہ امریکا اور ایران کی عمومی پالیسیاں مستقل ہیں ایک کی جگہ دوسرے کے آنے سے کوئی خاص تبدیلی نہیں آئےگی۔
ان کا کہنا تھا کہ ہمیں ٹرمپ کی دوبارہ جیت سےکوئی خدشہ نہیں ہے ہمارے لیے دونوں امریکی صدارتی امیدواروں میں کوئی فرق نہیں، امریکی انتخابی نتائج ایرانی عوام کی روزمرہ زندگی پر اثر نہیں ڈالیں گے۔
