چین میں پہلی مرتبہ یونی ورسٹی میں شادی کے حوالے سے مضامین آفرز کیے جا رہے ہیں، سوشل میڈیا پر اس خبر کے باعث سوشل میڈیا صارفین بھی متوجہ ہورہے ہیں۔
تفصیلات کے مطابق چین کی سول افئیرز یونی ورسٹی کی جانب سے انڈر گریجویٹ میں شادی کے حوالے سے مضامین شامل کرلیے گئے ہیں۔
یونی ورسٹی کی جانب سے میرج کلچر اور شادی سے متعلق انڈسٹری کے فروغ کے لیے یہ قدم اٹھایا گیا ہے، جبکہ شادی کا منفرد کورس رواں سال کے ستمبر کے مہینے سے شروع ہونے جا رہا ہے۔
دیگر پرفیشنل انڈسٹریز کی طرح شادی سے متعلق کاروبار کو بھی باقاعدہ طور پر انڈسٹری کے طور پر متعارف کرانے کا اعادہ کیا گیا ہے۔
واضح رہے چینی یونی ورسٹی کی جانب سے فیصلہ چین کی آبادی مسلسل دوسرے سال گرنے کے باعث کیا گیا ہے۔
چینی میڈیا کے مطابق اس کورس میں شادی کی انڈسٹری کی بنیاد، چین کی مثبت شادی اور فیملی کلچر کو اجاگر کیا جائے گا، ساتھ ہی اسی کورس میں چینی میرج کسٹمز میں اصلاحات کا بھی عزم کیا گیا ہے۔
واضح رہے چین کے نیشنل بیورو آف اسٹیٹسکس کی رپورٹ کے مطابق چین میں آبادی میں 2 اعشاریہ 8 ملین کی کمی آئی ہے۔ اس وقت آبادی 1 اعشاریہ 4097 بلین ہے، جبکہ 2022 میں 1 اعشاریہ 4118 بلین تھی۔
جبکہ برتھ ریٹ رواں سال 9 اعشاریہ 2 فیصد ہے جو کہ 2022 میں 9 اعشاریہ 56 فیصد تھا۔
