واضح طور پر ایران اسرائیل کشیدگی کے اثرات عالمی منڈیوں پر دیکھے جا رہے ہیں اورہندوستان اسٹاک مارکیٹ پر بھی اس کے منفی اثرات حاوی ہو رہے ہیں۔ بی ایس ای سینسیکس 929.74 پوائنٹس یا 1.25 فیصد کی گراوٹ کے ساتھ 73,315 کی سطح پر کھلا جبکہ این ایس ای کا نفٹی 180.35 پوائنٹس یا 0.80 فیصد کی گراوٹ کے ساتھ 22,339 پر کھلا۔ بینک نفٹی میں نمایاں کمی کے بعد ٹریڈنگ شروع ہوئی ہے، جس میں اس کے تمام 12 بینک حصص گراوٹ کے ساتھ ٹریڈ کرتے ہوئے دیکھے جا رہے ہیں۔
