ملک کے 35 لاکھ تاجروں کو ٹیکس نیٹ میں لانے کیلئے اسکیم کے خدوخال تیار کرلیے گئے۔
فیڈرل بورڈ آف ریونیو کے ذرائع کے مطابق تاجر طبقے سے ٹیکس ماہانہ بنیاد پر بجلی بل کے ذریعے وصول کرنے کا پلان ہے۔
ذرائع کے مطابق تاجروں سے ٹیکس بجلی بلوں کے ساتھ وصول کرنے کی تجویز دی گئی ہے۔ بجلی کے بلوں میں تاجروں کیلئے ایک نیا کالم متعارف کرانے کی تجویز دی گئی ہے۔
ذرائع کا کہنا ہے کہ ٹیکس وصولی اصل شاپ اونر کے بجائے دکان پر کاروبار کرنے والے سے ہوگی، تاجروں کی سالانہ آمدنی کو 12 حصوں میں تقسیم کیا جائے گا۔
ذرائع ایف بی آر کے مطابق مجوزہ اسکیم نئے مالی سال کے بجٹ سے پہلے لائی جاسکتی ہے اور آئی ایم ایف کو مجوزہ پلان سے آگاہ کردیا گیا ہے۔
