(ویب ڈیسک)عالمی منڈی میں خام تیل کی قیمتوں میں کمی ریکارڈ کی گئی۔
تفصیلات کےمطابق برینٹ فیوچرز 28 سینٹ یا 0.37 فیصد کم ہوکر 76.02 ڈالر فی بیرل رہا جبکہ یو ایس ویسٹ ٹیکساس انٹرمیڈیٹ (ڈبلیو ٹی آئی) خام تیل 33 سینٹ یا 0.45 فیصد کی کمی سے 73.23 ڈالر ریکارڈ کیا گیا۔
یاد رہے کہ دونوں بینچ مارکس پچھلے ہفتے 5دن تک مسلسل بڑھے اور جمعہ کو اکتوبر کے بعد اپنی بلند ترین سطح پر پہنچ گئے، جس کی جزوی وجہ چین کی لڑکھڑاتی ہوئی معیشت کی بحالی کیلئے مزید مالی محرکات کی توقعات ہیں۔
واضح رہے کہ ٹرمپ انتظامیہ کی جانب سے محصولات کی حد کے بارے میں غیر یقینی صورتحال کے پیش نظر امریکی ڈالر کی قدر میں کمی واقع ہوئی ہے لیکن یہ گزشتہ ہفتے دو سال کی بلند ترین سطح پر پہنچ گیا ہے۔
مضبوط ڈالر دیگر کرنسیوں کے حاملین کیلئے تیل کو مہنگا بنا دیتا ہے۔
غیر اوپیک ممالک سے بڑھتی ہوئی مانگ اور چین سے کمزور مانگ کے ساتھ، توقع ہے کہ آئندہ سال تیل کی منڈی میں فراہمی کا اچھا توازن رہے گا جس کی وجہ سے قیمتوں میں اضافے پر بھی حد لگی ہے۔
