پاکستان فلور ملز ایسوسی ایشن کے چیئرمین عاصم رضا نے کہا ہے کہ فلور ملز نے کسانوں سے گندم کی خریداری شروع کر دی ہے۔
’جیو نیوز‘ سے گفتگو کرتے ہوئے عاصم رضا نے کہا کہ ہم کسانوں کے ساتھ ہیں، حکومت بین الصوبائی پابندی ختم کرے۔
عاصم رضا کا کہنا ہے کہ دوسرے صوبے گندم خرید کر پنجاب کے کسانوں کو نقصان سے بچائیں۔
انہوں نے مزید کہا کہ 20 کلو آٹے کی قیمت میں مزید 200 روپے کمی ہو گئی۔
ان کا یہ بھی کہنا ہے کہ گندم کی قیمت کم ہونے سے آٹا سستا ہوا، 20 کلو آٹے کے تھیلے کی نئی قیمت 2 ہزار روپے ہو گئی ہے۔
