اسٹیٹ بینک آف پاکستان (ایس بی پی) نے ماہ اگست 2024ء میں بیرونی ادائیگیوں سے متعلق اعداد و شمار پیش کردیے۔
ایس بی پی کے اعداد و شمار کے مطابق اگست میں دنیا سے 4 ارب 71 کروڑ ڈالرز کی اشیاء خریدیں جبکہ دنیا کو 2 ارب 48 کروڑ ڈالرز مالیت کی اشیاء فروخت کی گئی ہیں۔
ایس بی پی کے مطابق پاکستان کا تجارتی خسارہ صرف ماہ اگست 2024ء میں 2 اعشاریہ 22 ارب ڈالرز رہا ہے۔
اعداد و شمار کے مطابق اگست میں تجارت، خدمات اور آمدن کا خسارہ 3 اعشاریہ 02 ارب ڈالرز رہا۔
ایس بی پی کے مطابق بیرون ملک مقیم پاکستانیوں نے اس دوران 2 اعشاریہ 94 ارب ڈالرز کی ترسیلات بھیجیں، پاکستان کو ماہ اگست میں 15 کروڑ ڈالرز کی دیگر رقوم بھی موصول ہوئیں۔
اعداد و شمار کے مطابق پاکستان کی اگست ادائیگیوں اور وصولیوں کے بعد کرنٹ اکاؤنٹ 7 اعشاریہ 5 کروڑ ڈالر سرپلس رہا، آئی ٹی برآمدات جولائی کے مقابلے 4 فیصد بڑھ کر 29 اعشاریہ80 کروڑ ڈالر رہیں۔
ایس بی پی کے مطابق رواں مالی سال کے ابتدائی 2 ماہ میں کرنٹ اکاؤنٹ خسارہ 17 اعشاریہ 10 کروڑ ڈالر رہا۔
