سیکریٹری زراعت پنجاب افتخار علی سہو نے کہا ہے کہ 9 اب تک 13 لاکھ 40 ہزار کاشتکار کسان کارڈ کی رجسٹریشن کرا چکے ہیں۔
انہوں نے اپنے بیان میں کہا ہے کہ وزیرِ اعلیٰ پنجاب کسان کارڈ کی رجسٹریشن کا عمل جاری ہے، اب تک 5 لاکھ 13 ہزار کسان کارڈ فیلڈ میں جا چکے ہیں۔
افتخار علی سہو کا کہنا ہے کہ وزیر اعلیٰ پنجاب کسان کارڈ کے تحت 53 ارب روپے کی منظوری ہو چکی ہے، کسان کارڈ کے ذریعے 32 ارب روپے کی خریداری بھی ہو چکی۔
سیکریٹری زراعت پنجاب کے مطابق کسان کارڈ کے ذریعے خریداری کا 90 فیصد صرف کھاد کے لیے استعمال ہوا۔
افتخار علی سہو نے یہ بھی کہا ہے کہ 9 ارب روپے کی لاگت سے زرعی ٹیوب ویل سولرائزیشن پروگرام پر عملدرآمد جاری ہے، 8 ہزار بجلی و ڈیزل سے چلنے والے زرعی ٹیوب ویلز کو شمسی توانائی پر منتقل کیا جا رہا ہے۔
