(24 نیوز )انٹرنیشنل فیڈریشن آف میڈیکل سٹوڈنٹس ایسوسی ایشن نے اپنے پاکستانی چیپٹر IFMSAPak کی رکنیت صدر ابراہیم خان کی طرف سے کرپشن اور اختیارات کے غلط استعمال کے ثابت ہونے پر معطل کر دی۔
تفصیلات کے مطابق انٹرنیشنل فیڈریشن آف میڈیکل اسٹوڈنٹس ایسوسی ایشنز (IFMSA) نے اپنے پاکستانی چیپٹر (IFMSA Pakistan) کی رکنیت ایک تحقیقات کے بعد معطل کر دی ہے جس میں مالی بدعنوانی، اختیارات کے ناجائز استعمال اور اس کے درمیان بلیک میلنگ کے الزامات کی تصدیق ہوئی ہے،تحقیقاتی رپورٹ میں IFMSA پاکستان کے صدر اور سروسز انسٹی ٹیوٹ آف میڈیکل سائنسز (SIMS) کے طالب علم ابراہیم خان کو بدانتظامی میں مرکزی شخصیت کے طور پر نشاندہی کی گئی، انہیں بدعنوان سرگرمیوں میں ملوث پایا گیا اور اس نے اپنے عہدے کا استعمال طلباء کو ڈرانے اور دھمکانے کے لیے کیا، قابل ذکر بات یہ ہے کہ، ابراہیم اس سے قبل صارم فرخ کے خلاف عدالتی مقدمہ ہار چکے تھے، جن پر انہوں نے مالی بدانتظامی کا الزام لگایا تھا۔ عدالت نے فرخ کو تمام الزامات سے بری کردیا۔
