(احتشام کیانی) اسلام آباد ہائیکورٹ نے شہید ذوالفقار علی بھٹو یونیورسٹی کو ایم ڈی کیٹ کا سوالنامہ ویب سائٹ پر اپلوڈ کرنے کا حکم جاری کر دیا۔
اسلام آباد ہائیکورٹ نے شہید ذولفقار علی بھٹو یونیورسٹی کے خلاف طلبہ کی درخواستیں منظور کر لیں، جسٹس ارباب محمد طاہر نے طلبہ کی درخواستوں پر مختصر تحریری فیصلہ جاری کر دیا۔
یہ بھی پڑھیں: پبلک سروس کمیشن کے امتحانات ،پنجاب کے 7 شہروں میں دفعہ 144 نافذ
تحریری فیصلے کے مطابق یونیورسٹی ایم ڈی کیٹ کے نتائج کا اعلان کل دن ایک بجے کے بعد کرے، طلبہ کو نتائج کے اعلان سے پہلے سوالنامہ دیکھنے کا وقت دیا جائے، تفصیلی وجوہات پر مشتمل فیصلہ بعد میں جاری کیا جائے گا۔
