وزیرِ اعلیٰ بلوچستان سر فراز بگٹی نے ژوب میں پولیو کے کیس کا نوٹس لے لیا۔
بلوچستان کے وزیرِ اعلیٰ نے جاری کردہ اعلامیے میں محکمۂ صحت کو ہدایت دی ہے کہ پولیو کیس کی انکوائری رپورٹ دی جائے۔
سرفراز بگٹی نے والدین پر زور دیتے ہوئے کہا ہے کہ پولیو کا ہر نیا کیس باعث تکلیف و تشویش ہوتا ہے، والدین اپنے بچوں کو پولیو کے قطرے لازمی پلائیں۔
وزیرِ اعلیٰ بلوچستان نے محکمۂ صحت کو انسدادِ پولیو کی خصوصی مہم شروع کرنے کی ہدایت بھی جاری کی۔
