(ویب ڈیسک) نئی تحقیق سے پتہ چلتا ہے کہ ڈارک چاکلیٹ ٹائپ 2 ذیابیطس کے خطرے کو حیرت انگیز طور پر کم کر سکتی ہے۔
حال ہی میں محققین نے پایا ہے کہ جو لوگ ہفتے میں کم از کم پانچ سرونگ ڈارک چاکلیٹس کھاتے ہیں ان میں بلڈ شوگر کے مرض کا خطرہ 21 فیصد کم ہوتا ہے۔
ماہرین نے یہ بھی پایا کہ ایک ڈارک چاکلیٹ کی ایک سرونگ نے ذیابیطس کے خطرے میں 3 فیصد کمی فراہم کی۔
دوسری طرف ماہرین نے دیکھا کہ دودھ ملی چاکلیٹ کھانے کا تعلق طویل مدتی وزن کے ساتھ تھا جس سے ذیابیطس کا خطرہ بڑھ سکتا ہے۔
یہ بھی پڑھیں : 100 سالہ دولہا اور 102 سالہ دلہن نے شادی کا عالمی ریکارڈ قائم کر لیا
بوسٹن میں ہارورڈ ٹی ایچ چان اسکول آف پبلک ہیلتھ کے ڈیپارٹمنٹ آف نیوٹریشن میں ڈاکٹریٹ کے طالب علم بینکائی لیو نے کہا کہ ہمارے نتائج بتاتے ہیں کہ تمام چاکلیٹس برابر نہیں ہوتیں۔
انہوں نے کہا کہ ہر کسی کے لیے جو چاکلیٹ سے محبت کرتا ہے، یہ ایک یاد دہانی ہے کہ دودھ کی چاکلیٹ پر ڈارک چاکلیٹ کا انتخاب کریں، یہ ان کی صحت میں مثبت فرق لا سکتا ہے۔
