کراچی میں اکتوبر میں ڈینگی کے 363 کیسز سامنے آئے ہیں۔
محکمۂ صحت سندھ کے ترجمان کا کہنا ہے کہ 31 اکتوبر کو شہر میں ڈینگی کے 11 کیسز سامنے آئے۔
ترجمان نے بتایا ہے کہ ضلع شرقی میں 2، وسطی میں 3 اور کورنگی سے ڈینگی کے 2 کیسز سامنے آئے ہیں۔
ضلع جنوبی اور ملیر سے بھی ڈینگی کے 2، 2 کیسز رپورٹ ہوئے۔
رواں سال شہر میں ڈینگی کے1 ہزار 746 کیسز سامنے آئے ہیں۔
اکتوبر میں سندھ بھر سے ڈینگی کے 470 کیسز رپورٹ ہوئے ہیں جبکہ رواں سال سندھ بھر میں ڈینگی کے 2 ہزار 63 کیسز سامنے آئے ہیں۔
رواں سال سندھ میں ڈینگی کا 1 مریض انتقال کر چکا ہے جس کا تعلق کراچی سے تھا۔
