چارسدہ میں اخون ڈھیری کے علاقے میں دھماکا ہوا ہے۔
پولیس کے مطابق دھماکے کے مقام سے تباہ موٹر سائیکل اور انسانی اعضاء ملے ہیں، دھماکا خودکش تھا یا کچھ اور تحقیقات جاری ہیں۔
پولیس کا کہنا ہے کہ دھماکا موٹر سائیکل سوار شخص کے پاس دھماکا خیز مواد پھٹنے سے ہوا ہے۔
ڈی پی او کا کہنا ہے کہ پولیس وین پر دھماکا نہیں ہوا، مزید تحقیقات جاری ہیں۔
انہوں نے بتایا ہے کہ واقعے میں ہلاک ہونے والا شخص موٹر سائیکل پر سوار تھا۔
پولیس حکام کی دھماکے سے متعلق مزید تفتیش بھی جاری ہے۔
