نو مارچ کو ہونے والے صدارتی انتخابات کے لیے محمود خان اور آصف زرداری کے کاغذاتِ نامزدگی جمع کرا دیے گئے ہیں۔
آصف زرداری کے کاغذاتِ نامزدگی سندھ ہائی کورٹ اور اسلام آباد ہائی کورٹ میں جمع کرائے گئے۔ دوسری جانب پشتونخواہ ملی عوامی پارٹی (پی کے میپ) کے محمود خان اچکزئی سنی اتحاد کونسل (پی ٹی آئی) کے اُمیدوار ہوں گے۔
محمود خان اچکزئی کے کاغذاتِ نامزدگی اسلام آباد ہائی کورٹ میں جمع کرائے گئے۔
الیکشن کمیشن آف پاکستان کے مطابق صدارتی انتخابات کے لیے پولنگ نو مارچ کو صبح نو بجے سے شام پانچ بجے تک ہو گی۔
