قومی اسمبلی کے حلقے این اے 43 ٹانک اور ڈیرہ اسماعیل خان کے 6 پولنگ اسٹیشنز پر دوبارہ پولنگ آج ہوگی۔
الیکشن کمیشن کے مطابق پولنگ صبح 8 بجے سے شام پانچ بجے تک کسی وقفے کے بغیر جاری رہے گی۔
الیکشن میں جے یو آئی سربراہ مولانا فضل الرحمٰن کے بیٹے مفتی اسعد محمود اور پی ٹی آئی کے حمایت یافتہ آزاد امیدوار داور خان کنڈی کے درمیان کانٹے کا مقابلہ متوقع ہے۔
واضح رہے کہ 348 پولنگ اسٹیشنز میں سے 342 پولنگ اسٹیشنز کے رزلٹ آگئے ہیں جس کے مطابق پی ٹی آئی امیدوار کو 826 ووٹوں کی برتری حاصل ہے۔
