مانسہرہ (ڈیلی پاکستان آن لائن) دو روز قبل بابو سر ٹاپ سے دوستوں سے بچھڑنے والے بائیکر کی لاش برآمد کر لی گئی۔
کاغان ڈویلپمنٹ اتھارٹی حکام کے مطابق بائیکر کی لاش مانسہرہ جھیل لولوسر کے قریب نالہ سے برآمد ہوئی ہے۔حکام کے مطابق بائیکر کی شناخت معظم کے نام سے ہوئی ہے جس کا تعلق لاہور سے تھا۔
حکام کا کہنا ہے کہ بابو سر ٹاپ پر برفباری کے بعد واپسی پر موٹر سائیکل حادثہ کا شکار ہو کر کھائی میں گری ہے، جبکہ لاش کھائی سے نکال کر مانسہرہ روانہ کردی گئی ہے۔
