لاہور (ڈیلی پاکستان آن لائن)پاکستانی ہائی کمیشن دہلی کی کوششوں کے باعث بھارتی جیل میں قید ایک اور پاکستانی شہری کو رہائی مل گئی۔
ترجمان کے مطابق شمون نامی پاکستانی شہری نے غلطی سے سرحد عبور کی تھی، جس کے سبب بھارتی فوجیوں نے جاسوس سمجھ کر شمون کو بھارتی جیل میں بند کر دیا تھا۔
شمعون نے بتایا کہ وہ مندر میں پوجا کرنے گیا تھا جس کے لیے اس نے سرحد عبور کرنے سے پہلے بی ایس ایف کے اہلکاروں سے اجازت لی اور پھر مندر میں گیا لیکن بی ایس ایف والوں نے اسے گرفتار کرلیا۔
پاکستانی ہائی کمیشن نے 2019 میں قونصل رسائی کے تحت بھارت کی جے پور جیل میں شمعون سے ملاقات کی تھی جس کے بعد اس کی شہریت کی تصدیق اور پھر رہائی کے لیے اقدامات شروع کیے تھے۔ شمعون کا تعلق سندھ کے علاقہ تھرپارکر سے ہے، شمعون شادی شدہ اور تین بچوں کا باپ ہے۔شمون رہائی کے بعد واہگہ کے راستے پاکستان پہنچا۔ ترجمان پاکستانی ہائی کمیشن کا کہنا ہے کہ دیگرپاکستانیوں کی رہائی کیلئے بھی کوششیں جاری ہیں۔
