پشاور (ڈیلی پاکستان آن لائن) خیبر پختونخوا میں بجلی کی لوڈشیڈنگ کےحوالے سے حکومتی دعوؤں کے باوجود عید کے روز بھی شدید لوڈشیڈنگ کا سلسلہ جاری ہے۔
ایکسپریس نیوز کے مطابق پشاور سٹی، اندورن شہر، حیات آباد اور یونیورسٹی ٹاؤن کے علاقوں میں ہر گھنٹے بعد 2 گھنٹوں کے لیے بجلی بند کی جا رہی ہے جب کہ بجلی کی بندش کے ساتھ ساتھ شہریوں کو کم وولٹیج کا بھی مسئلہ درپیش ہے۔ اطلاعات کے مطابق نواحی علاقے بڈھ بیر ، ریگی، ہزار خوانی، اڑمڑ اور دیگر علاقوں میں 18 گھنٹوں تک لوڈ شیڈنگ کی جا رہی ہے۔پشاور کے علاقے صوبے کے دیگر چھوٹے بڑے شہروں میں بھی بجلی کی بندش کا سلسلہ جاری رہے۔
