پشاور (ویب ڈیسک) تھانہ شاہ پور کی حدود میں دوستوں کی محفل میں پولیس اہلکار کو گولی مار کر قتل کردیا گیا۔ مقتول کے بھائی کی مدعیت میں مقدمہ درج کر لیا گیا ہے۔
پولیس ذرائع کے مطابق احتشام جان خان درانی نامی پولیس اہلکار پولیس لائن میں تعینات تھا لیکن چھٹی پر گھر آیا تھا اور دوستوں کیساتھ محفل میں موجود تھا کہ اپنے ہی دوست نے فائرنگ کرکے اسے قتل کردیا۔
اس حوالے سے پولیس نے مزید بتایا کہ دوستوں کو بھی شامل تفتیش کیا جا رہا ہے کہ فائرنگ کس نے اور کیوں کی ہے۔
