کراچی (ڈیلی پاکستان آن لائن) کراچی میں دہشت گردوں نے کمین گاہیں چھوڑ کر ہوٹلوں میں ٹھکانے بنا لئے، کاؤنٹر ٹیرر ازم ڈپارٹمنٹ (سی ٹی ڈی) نے چھاپہ مار کر دہشت گرد گرفتار کر لیا۔
نجی ٹی وی جیونیوز کے مطابق سی ٹی ڈی نے بلوچ کالونی میں کارروائی کرتے ہوئے ہوٹل سے کالعدم تنظیم کا دہشت گرد گرفتار کر لیا۔ ترجمان سی ٹی ڈی کا کہنا تھا کہ گرفتار دہشت گرد مختلف مقدمات میں مفرور اور مطلوب تھا۔
ترجمان نے مزید بتایا کہ دہشت گرد کا ایک ساتھی پہلے ہی جیل میں زیر تفتیش ہے۔
