راولپنڈی پولیس نے اڈیالہ جیل کے باہر میڈیا کوریج پر پابندی لگا دی ہے۔
پولیس نے اڈیالہ جیل کے گیٹ نمبر پانچ کے باہر میڈیا گاڑیوں کی پارکنگ پر بیرئیر اور جیل کے باہر میڈیا کیمروں والی جگہ پر قناتیں لگادی ہیں۔
پولیس کی جانب سے میڈیا کوریج پر پابندی ایسے موقع پر لگائی گئی ہے جب اڈیالہ جیل میں قید سابق وزیرِ اعظم عمران خان سے ملاقات کا دن ہے۔
مقامی میڈیا کے نمائندے عمران خان سے ملنے کے لیے آنے والوں کے انٹرویوز کرتے ہیں۔
