(24 نیوز)شمالی وزیرستان میں مسافر وین کھائی میں جا گری، پاک فوج نے بروقت ریسکو آپریشن سے قیمتی جانیں بچالیں۔
تفصیلات کے مطابق شمالی وزیرستان میں سیدگئی کے قریب مسافر کوچ گہری کھائی میں جا گری جس کے نتیجے میں ایک شخص جاں بحق جبکہ دس مسافر زخمی ہو گئے،پاک فوج نے فوراً ریسکیو آپریشن کرتے ہوئے زخمی مسافروں کو کھائی سے نکال کر بروقت طبی امداد دینے میں ریسکیو اداروں کی مدد کی اور انہیں قریبی ہسپتال پہنچا یا۔
واقعہ کی اطلاع ملتے ہی پاک فوج کا ریسکو اینڈ پیرامیڈیکل سٹاف جاۓ حادثہ کی طرف روانہ کیا گیا،پاک فوج کی پیرامیڈیکل سٹاف نے زخموں کو ابتدائی طبی امداد فراہم کرکے ڈی ایچ کیو ہسپتال بنوں روانہ کیا ،امدادی کاروائی میں پاک فوج کے ساتھ ریسکو 1122 کی ٹیم بھی موجود تھی،علاقے کے لوگوں نے بروقت ریسکو آپریشن اور امداد پر پاک فوج کا شکریہ ادا کیا۔
