لاہور شہر اور گرد و نواح میں دھند بدستور چھائی رہی، میدانی علاقوں میں دھند پڑنے سے موٹروے کو کئی مقامات سے بند کر دیا گیا۔
ترجمان سیف سٹی اتھارٹی کے مطابق دھند کے باعث شہر میں حد نگاہ کم ہو گئی ہے، کینال روڈ، فیروز پور روڈ، ٹھوکر نیاز بیگ، مناواں، ایئر پورٹ روڈ، شاہدرہ، گجومتہ کے علاقے شدید دھند کی لپیٹ میں آ گئے ہیں جس کے باعث شہر میں بھی ٹریفک کی روانی متاثر ہوئی ہے۔
ترجمان موٹروے پولیس کے مطابق حد نگاہ کم ہونے کے باعث اسلام آباد موٹروے کو لاہور سے خانقاہ ڈوگراں، ملتان موٹروے کو فیض پور سے رجانہ تک اور سیالکوٹ موٹروے کو مکمل بند کر دیا گیا ہے۔
