لاہور(ڈیلی پاکستان آن لائن)صوبائی دارالحکومت کے علاقے شالیمار سے عید کے روز لاپتہ ہونیوالے بچے کی لاش ایک گھر سے برآمد ہوئی ہے۔
پولیس حکام کے مطابق شالیمار کے علاقے سے 9 سالہ بچہ عبداللہ لاپتہ تھا جس کی آج ایک گھر سے لاش برآمد ہوئی، بچے کو زیادتی کے بعد گلہ دبا کر قتل کیا گیا ہے۔ لاش ملنے کی اطلاع پر پولیس اور ریسکیو 1122 کی ٹیمیں موقع پر پہنچیں جہاں سے بچے کی لاش کو ضابطے کی کارروائی کے لیےہسپتال منتقل کیا گیا۔پولیس نے واقعے میں ملوث ملزم کو گرفتار کر کے قانونی کارروائی کا آغاز کردیا، جس نے عبداللہ کو زیادتی کے بعد قتل کرنے کا اعتراف کیا ہے۔
