مالاکنڈ( ڈیلی پاکستان آن لائن )خیبرپختونخوا کے ضلع مالاکنڈ کے علاقے بٹ خیلہ میں زمین کے تنازع پر فائرنگ سے 5 افراد جاں بحق اور ایک زخمی ہوگیا۔
تفصیلات کے مطابق افسوسناک واقعہ مالاکنڈ کی تحصیل بٹ خیلہ میں پیش آیا جہاں مسلح افراد نے فائرنگ کردی جس کے نتیجے میں 5 افراد جان کی بازی ہار گئے۔
پولیس کے مطابق واقعے میں ایک شخص زخمی بھی ہوا، واقعہ ہمسایوں کے مابین راستے کے تنازع پر پیش آیا۔
لاشوں اور زخمی شخص کو ہسپتال منتقل کردیا گیا جبکہ پولیس نے واقعے کی مزید تحقیقات شروع کردیں۔
