(امداد بزدار)آئی بی اے یونیورسٹی سکھر کے اسسٹنٹ کنٹرولر اشتیاق میمن گھر میں مردہ پائے گئے،متوفی اشتیاق میمن کی دو بہنیں بھی گھر میں بے ہوشی کی حالت میں ملیں۔
تفصیلات کے مطابق اشتیاق میمن کے رشتے داروں نے مسلسل فون اٹینڈ نہ ہونے پر گھر کا دروازہ توڑا،ہسپتال ذرائع کاکہنا ہے کہ اشتیاق میمن کی دونوں بہنوں کی حالت بھی تشویشناک ہے۔
متوفی کے رشتہ دار کاکہناہے کہ ایسا محسوس ہوتا ہے کہ تینوں بہن بھائیوں نے کوئی زہریلی چیز کھائی ہے، تینوں بھائی بہن سکھر سوسائٹی میں اکیلے رہتے تھے، سول ہسپتال سکھر میں متوفی اشتیاق میمن کا پوسٹ مارٹم کیا گیا ہے،تاحال ہسپتال سے پوسٹ مارٹم رپورٹ نہیں مل سکی ہے۔
ایس ایس پی امجد شیخ کاکہناتھا کہ واقعے کی اطلاع ملی ہے جانچ پڑتال کررہے ہیں،پوسٹ مارٹم رپورٹ کے بعد صورتحال واضح ہوسکے گی۔
یہ بھی پڑھیں:افسوسناک خبر!جنوبی کوریا کے بعد ایک اور ملک کا طیارہ حادثے کا شکار ہو گیا
