(وقاص عظیم)مہنگائی کے حوالے سے وزارت خزانہ کی ماہانہ اقتصادی رپورٹ سامنے آگئی ۔
وزارت خزانہ کی رپورٹ کے مطابق نومبر میں مہنگائی کی شرح 5.6 فیصد تک رہنے کی توقع ہے،دسمبر میں مہنگائی 6.5 فیصد تک پہنچ سکتی ہے۔ملکی برآمدات 2.5 سے 3 ارب ڈالرز تک رہنے کی توقع ہے۔
رپورٹ کےمطابق مالی سال کے پہلے چار ماہ میں معاشی استحکام دکھائی دے رہا ہے ،جولائی سے اکتوبر کے دوران توقعات سے زیادہ معاشی بحالی ہوئی ہے ،اس دوران مہنگائی میں ریکارڈ کمی ہوئی ہے ،چار ماہ میں ترسیلات زر میں اضافہ ریکارڈ کیا گیا ہے،شرح سود میں کمی سے سود کی ادائیگیوں میں کمی ہوئی ہے ،چار ماہ میں سود ادائیگیوں میں 5.3 کمی ہوئی ہے ۔
جولائی سے اکتوبر تک اخراجات میں 1.8 فیصد کمی ہوئی ہے،جولائی سے اکتوبر تک ایف بی آر کی ٹیکس وصولیوں میں 25.3 فیصد اضافہ ہوا ہے،آئندہ مہینوں میں معاشی سرگرمیوں میں اضافے کا امکان ہے ۔
