لاہور (آئی این پی ) لاہور پولیس نے پاکستان نیوزی لینڈ ٹی ٹونٹی کرکٹ سیریز کے پیش نظر روایتی و آن لائن قمار بازی کے خلاف کارروائیوں کے دوران423مقدمات درج،1863ملزمان گرفتار،54لاکھ 39ہزار 3سو سے زائد رقم برآمد کرلی۔
پولیس ذرائع کا کہنا ہے کہ کریک ڈاون کے د وران کینٹ ڈویژن میں 367 ،سول لائنزمیں 218، سٹی میں 657، اقبال ٹان میں 283،ماڈل ٹاون میں 169اورصدرڈویژن میں 169ملزمان گرفتار کئے گئے۔ سی سی پی او لاہور بلال صدیق کمیانہ کا کہنا ہے کہ پولیس افسران کو روایتی قمار بازی اور آن لائن جوئے کے خلاف کریک ڈاون مزید تیز کرنے کا حکم دے دیا، افسروں کوجوئے کے اڈوں پر انٹیلی جنس بیسڈ کارروائیاں ، آن لائن جوئے کے گھنائونے کاروبار میں ملوث عناصر کے گرد گھیرا تنگ کرنے کی ہدایت کی گئی ہے۔
انہوں نے افسروں کو ہدایت دی کہ آن لائن جوئے کی روک تھام کیلئے انفارمیشن ٹیکنالوجی سے بھر پور مدد لی جائے اور لوگو ں کو آن لائن جوئے کی ترغیب دینے والے سوشل میڈیا اکاونٹس اور اپلیکیشنزپر بھی کڑی نظر رکھی جائے۔ سی سی پی اولاہور کامزید کہنا تھا کہ آن لائن جوئے میں ملوث سماج دشمن عناصرکو کیفر کردار تک پہنچایا جائے گا، جوا ایک سماجی لعنت ہے، والدین اپنے بچوں کو اس سے دور رکھیں، شہری قماری بازی و دیگر جرائم سے پاک معاشرے کے قیام میں اپنا مثبت کردار ادا کریں۔
