وزیراعظم شہباز شریف آج دوپہر کو چیف جسٹس پاکستان قاضی فائز عیسیٰ سے ملاقات کریں گے، وزیر قانون اعظم نذیر تارڑ بھی وزیراعظم کے ہمراہ ہوں گے۔
ذرائع نے تصدیق کی ہے کہ وزیراعظم آج دوپہر 2 بجے سپریم کورٹ بلڈنگ میں چیف سے ملاقات کریں گے۔
ذرائع کے مطابق ملاقات میں اسلام آباد ہائی کورٹ کے 6 ججوں کی جانب سے سپریم جوڈیشل کونسل کو خفیہ ادارے کے اہلکاروں کی مبینہ مداخلت سے متعلق لکھے گئے خط کے معاملے پر غور کیا جائے گا۔
واضح رہے کہ اٹارنی جنرل نے گزشتہ روز چیف جسٹس پاکستان سے ملاقات کی تھی اور پھر وزیراعظم کو ملاقات کی تفصیلات سے آگاہ کیا تھا۔
