اسلام آباد (مانیٹرنگ ڈیسک)وزیراعظم کے معاون خصوصی طارق فاطمی کی تقرری کا نوٹیفکیشن ہو چکا مگر انہیں ذمہ داری ملی یا نہیں؟ اس حوالے سے اہم انکشاف سامنے آ یا ہے ۔
“جنگ ” کے مطابق مصدقہ ذرائع سے معلوم ہوا ہے کہ وزیراعظم کے معاون خصوصی اور سابق سفارتکار طارق فاطمی جن کی تقرری کا نوٹیفکیشن جاری ہوچکا ہے ان کے بارے میں اطلاعات تھیں کہ وہ اپنے سابقہ تجربے کے پیش نظر خارجہ امور سے متعلق ہی معاملات دیکھیں گے تاہم انہیں ابھی تک اس حوالے سے کوئی ذمہ داری تفویض نہیں کی گئی اور اطلاعات کے مطابق فی الحال ان کا آفس وزیراعظم ہاؤس میں ہی ہوگا۔
