لاہور( ڈیلی پاکستان آن لائن )وزیر اعلیٰ پنجاب مریم نواز نے کراچی میں جناح انٹرنیشنل ائیرپورٹ کے قریب دھماکہ کی شدید مذمت کی ہے۔ وزیر اعلیٰ نے دھماکے میں3 قیمتی انسانی جانوں کے ضیاع پر افسوس کا اظہار کیا ہے۔
وزیر اعلیٰ مریم نواز نے دھماکے میں زخمی ہونے والے افراد کی جلد صحت یابی کیلئے دعا کی ہے۔ انہوں نے کہا کہ دہشت گردی کے ناسور کے خاتمے کیلئے پوری قوم متحد ہے، انشاء اللہ جلد اس ناسور کا خاتمہ ہوگا۔ دہشت گرد بزدل کاروائیوں سے قوم کا حوصلہ پست نہیں کر سکتے۔
