(خورشید رحمانی)پاکستان میری ٹائم سکیورٹی ایجنسی نے سمندر میں ڈوبنے والی بھارتی بحری جہاز کے عملے کو بچا لیا۔
پاکستان میری ٹائم سکیورٹی ایجنسی نے بھارتی کارگو ڈھو تاجدارے حرم کے عملے کے 9 ارکان کو بچانے کیلئے سرچ اینڈ ریسکیو آپریشن کامیابی سے کیا، ہندوستانی بحری جہاز جو کراچی سے تقریباً 120 سمندری میل جنوب میں موجود تھا۔
ترجمان کے مطابق پی ایم ایس اے کوجہاز میں پانی کے داخل ہونے کی اطلاع ملی تھی، جس سے عملے کے اراکین نےجہاز کو چھوڑ کر لائف رافٹ میں پناہ لی۔میری ٹائم ریسکیو کوآرڈینیشن سینٹر (ایم آر سی سی) ممبئی سے حادثے کی اطلاع ملنے پر پی ایم ایس اے نے فوری طور پر ایک مربوط ریسکیو آپریشن شروع کیا۔
پی ایم ایس اے کے اک طیارہ کو حادثے کی جگہ پر بھیجا گیا جس نے کامیابی سے زندہ بچ جانے والوں کا پتہ لگایا اور قریبی تجارتی جہازوں اور پی ایم ایس اے کے جہازوں کو جائے حادثہ پر بھیج دیا اور بعد میں بحالی کیلئے قریبی ہندوستانی پانیوں میں کام کرنے والے ہندوستانی کوسٹ گارڈ کے جہاز کو بھی سہولت فراہم کی۔
یہ بھی پڑھیں:جنوبی افریقا کیخلاف ٹیسٹ میچ ، بابراعظم نے اہم اعزاز اپنے نام کرلیا
یہ گزشتہ تین ہفتوں میں پی ایم ایس اے کا دوسرا کامیاب آپریشن ہے۔ 4 دسمبر کوبھی پی ایم ایس اے نے اسی طرح کے ایس اے آر مشن میں ایم ایس وی پیرانِ پیر سے عملے کے 12 ہندوستانی ارکان کو بچایا۔
ترجمان کا مزید کہنا ہے کہ پی ایم ایس اے سمندری حفاظت کو یقینی بنانے اور سولاس سمندر میں زندگی کی حفاظت کنونشن کے تحت بین الاقوامی ذمہ داریوں کو برقرار رکھنے کے اپنے عزم پر ثابت قدم ہے۔ اس طرح کے آپریشنز پی ایم ایس اے کی قومیت سے قطع نظر، سمندر میں جانیں بچانے اور علاقائی بحری تعاون کو فروغ دینے کے عزم کی نشاندہی کرتے ہیں۔
یہ بھی پڑھیں:پی ایس ایل 10 میں نامور بلے باز کی انٹری، کرکٹ شائقین کی دیرینہ خواہش پوری ہو گئی
