پورا سندھ کرپٹ تیر سے گھائل ہوچکا ہے، نہال ہاشمی

پاکستان مسلم لیگ (ن) کے رہنما نہال ہاشمی نے کہا ہے کہ پورا سندھ کرپٹ تیر سے گھائل ہوچکا ہے۔

کراچی سے جاری بیان میں نہال ہاشمی نے کہا کہ اب تو بلاول بھٹو زرداری کو بلی سے بھی ڈر لگنے لگا ہے، وہ شیر کا مقابلہ کیا کریں گے۔

انہوں نے کہا کہ اب تو پورا سندھ کرپٹ تیر سے گھائل ہوچکا ہے، شیر 8 فروری کو سندھ سے کرپشن کو نوچ ڈالے گا۔

نہال ہاشمی نے مزید کہا کہ جب سے نواز شریف نے کراچی جلسے کا اعلان کیا ہے، بلاول کی زبان لڑکھڑانے لگ گئی۔