پیپلز پارٹی پنجاب کے پارلیمانی وفد نے لاہور میں وزیراعلیٰ پنجاب مریم نواز سے ملاقات کی اور سینیٹ کی پانچ مخصوص نشستوں کے الیکشن میں مسلم لیگ ن کی حمایت کا اعلان کیا۔
پیپلز پارٹی پنجاب کے پارلیمانی وفد کی قیادت پارلیمانی لیڈر علی حیدر گیلانی اور ندیم افضل چن نے کی۔
وفد نے پنجاب اسمبلی میں وزیراعلیٰ مریم نواز سے ملاقات کی اور سینیٹ الیکشن پر تبادلہ خیال کیا۔
ملاقات میں پیپلز پارٹی نے پنجاب سے سینیٹ کی ٹیکنوکریٹ، خواتین اور اقلیتی نشست پر ن لیگ کی حمایت کا اعلان بھی کیا۔
