کراچی میں رینجرز نے سی ٹی ڈی سول لائنز پر چھاپا مار کر 19 مئی کو اٹھایا گیا شہری بازیاب کروا لیا۔
ڈی آئی جی سی ٹی ڈی آصف اعجاز شیخ کا کہنا ہے سی ٹی ڈی کے سب انسپکٹر اور اے ایس آئی کو گرفتار جبکہ ایس ایچ او کو معطل کیا گیا ہے، کانسٹیبل اور مخبر فرار ہیں۔
انہوں نے بتایا کہ عراق سے واپس آئے شہری کو سی ٹی ڈی اہلکاروں نے اٹھایا تھا اور رہائی کے لیے 15 لاکھ طلب کیے پھر ڈیڑھ لاکھ میں معاملہ طے ہوا۔
آصف اعجاز شیخ نے کہا کہ رینجرز کے سادہ لباس اہلکاروں نے رقم ادا کی پھر یونیفارم میں اہلکاروں نے چھاپا مارا۔
ان کا کہنا تھا کہ تمام ملوث اہلکاروں کے خلاف مقدمہ درج کیا جارہا ہے۔
