کراچی (ویب ڈیسک) نیپا چورنگی کے قریب آئی ٹی سینٹر کے ٹیچر نے لڑکی پر تیزاب پھینک دیا، واقعے میں لڑکی سمیت تین افراد جھلس کر زخمی ہوگئے۔
پولیس کے مطابق سینٹر کے ٹیچر نے تلخ کلامی پر لڑکی پر تیزاب پھینک دیا تھا، واقعے میں لڑکی سمیت اس کے دو ماموں بھی زخمی ہوئے ہیں، تیزاب گردی کا شکار ہونے والی لڑکی ’ع ‘ سمیت تینوں زخمیوں کو سول ہسپتال کے برنز وارڈ میں منتقل کر دیا گیا ہے۔
پولیس کے مطابق واقعے کا مقدمہ درج کرکے لڑکی پر تیزاب پھینکنے والے آئی ٹی سینٹر کے ٹیچر افتخار کو گرفتار کر لیا گیا ہے۔
