(24نیوز)بجٹ 2024-25میں ہائبرڈ گاڑیوں کی درآمد پر کسٹم ڈیوٹی میں چھوٹ ختم کر دی گئی۔
تفصیلات کے مطابق سپیکر ایاز صادق کی زیرصدارت بجٹ اجلاس میں وزیر خزانہ محمد اورنگزیب نے بجٹ2024-25پیش کرتے ہوئے کہاکہ ہائبرڈ گاڑیوں کی درآمد پر کسٹم ڈیوٹی میں چھوٹ کا خاتمہ کر دیا ہے،ہائبرڈ گاڑیوں کی درآمد پر کسٹم ڈیوٹی میں 2013 میں رعایت دی گئی تھی ،یہ رعایت ہائبرڈ ، عام گاڑیوں کے درمیاں قیمتوں میں زیادہ فرق کی وجہ سے دی گئی تھی۔
وزیر خزانہ نے کہاکہ مقامی طور پر ہائبرڈ گاڑیوں کی تیاری شروع ہوچکی ہے ،اس لیے مقامی صنعت کو فروغ دینے کیلئے یہ رعایت واپس لی جارہی ہے۔
یہ بھی پڑھیں: موبائل فونز بھی مہنگے ہو گئے
