اسلام آباد ( ڈیلی پاکستان آن لائن )پاکستان تحریک انصاف کے مرکزی رہنما سلمان اکرم راجہ نے کہا ہے کہ 31 جنوری ہماری ڈیڈ لائن ہے اس کے بعد سوچیں گے کیا کرنا ہے۔
“جنگ ” کے مطابق نجی ٹی وی سے گفتگو کرتے ہوئے سلمان اکرم راجہ نے کہا کہ مذاکرات کی مکمل کامیابی اس وقت ہوگی جب سب کے ساتھ انصاف ہو، اس انصاف میں بانی پی ٹی آئی اور بشریٰ بی بی کو بھی شامل کرنا ہوگا۔ بانی پی ٹی آئی کی ضمانت ہونی چاہیے اور جوڈیشل کمیشن بننا چاہیے۔ جب ہی ہم سمجھیں گے کہ ہم آگے بڑھ سکتے ہیں۔ 31 جنوری ہماری ڈیڈ لائن ہے اس کے بعد ہم اپنے لائحہ عمل کا سوچیں گے کہ کیا کرنا ہے۔
