وہاڑی (ڈیلی پاکستان آن لائن) بیوی نے بھائیوں سے مل کر خاوند کو تشدد اوربجلی کے جھٹکے لگا کر قتل کردیا۔
پولیس کے مطابق وہاڑی کے عمران کی شادی گجر کلہ کے گلو بٹ کی ہمشیرہ نیلم سے ہوئی جبکہ اُس کی بہن کی شادی گلو بٹ سے ہوئی جو ناراض ہوکر میکے جا بیٹھی تھی۔ناراض بہن کو منانے میں ناکامی پر بیوی اور سسرالیوں نے عمران کو تشدد اور کرنٹ لگا کر قتل کر دیا۔ واقعے کے بعد موترہ پولیس نے پوسٹ مارٹم رپورٹ کی روشنی میں دو خواتین سمیت پانچ افراد کے خلاف مقدمہ درج کر لیا ۔
