کراچی کی شارع فیصل آج رات 2 بجے سے صبح 5 بجے تک عام ٹریفک کیلئے بند رہے گی۔
ٹریفک پولیس کے مطابق ڈرگ روڈ سے کارساز تک دونوں اطراف کی سڑکیں بند رہیں گی، جبکہ کارساز سے حسن اسکوائر اور حبیب رحمت اللّٰہ روڈ بھی بند ہوگا۔
ایئرپورٹ سے ٹریفک کو کارساز روڈ اور اسٹیڈیم جانے کی اجازت نہیں ہوگی، ڈرگ روڈ سے راشد منہاس روڈ، ملینیم سے نیپا کا راستہ اختیار کریں۔
ٹریفک پولیس کا کہنا ہے کہ بلوچ کالونی پل کے نیچے سے شہید ملت روڈ، حسن اسکوائر کا راستہ اختیار کریں، نیپا سے راشد منہاس روڈ، ڈرگ روڈ کا راستہ اختیار کریں۔
پولیس کا کہنا ہے کہ عوام زحمت اور پریشانی سے بچنے کیلئے متبادل راستہ اختیار کریں۔
