کراچی میں گڈاپ سٹی پولیس نے سپرہائی وے پر خراب ہونے والی گاڑیوں سے لوٹ مار کرنے والے وائٹ کرولا گینگ کے 2 ملزمان کو گرفتار کرلیا۔
ایس ایس پی ملیر کے مطابق گڈاپ سٹی پولیس نے سپرہائی وے، انصاری پل پر کارروائی کرتے ہوئے لوٹ مار میں ملوث وائٹ کرولا گینگ کے 2 ملزمان پکڑ لیے۔
ملزمان سپر ہائی وے پر خراب ہونے والی گاڑیوں میں سوار افراد سے لوٹ مار کرتے تھے۔
ملزمان نے گڈاپ سٹی، میمن گوٹھ، سائٹ سپرہائی وے، نوری آباد میں وارداتوں کا انکشاف کیا ہے۔
گرفتار ملزمان سے وائٹ کرولا اور اسلحہ برآمد کرلیا۔ گرفتار ملزمان کے دیگر ساتھیوں کی تلاش جاری ہے۔
