دبئی(ڈیلی پاکستان آن لائن)انٹرنیشنل کرکٹ کونسل نے چیمپئنز ٹرافی کے معاملے پر بورڈ میٹنگ 29 نومبر کو طلب کر لی ہے ۔سماء نیوز کے مطابق آئی سی سی کی جانب سے بورڈ میٹنگ 29 نومبر کو ہونے کی تصدیق کر دی گئی ہے اور اس حوالے سے متعلقہ کرکٹ بورڈ کو آگاہ بھی کر دیاہے ، بورڈ میٹنگ ورچوئل ہو گی جس کا ایجنڈا چیمپئنز ٹرافی ہو گا۔
آئی سی سی بورڈ میٹنگ میں چیمپئینز ٹرافی کے مستقبل اور بھارت کا پاکستان نہ آنے سے متعلق بھی بات ہوگی۔ میٹنگ میں بھارت کے پاکستان نہ آنے پر کیا اقدامات ہونگے اس حوالے سے بھی تفصیلی بات چیت ہو گی ۔پاکستان کرکٹ بورڈ کی جانب سے آئی سی سی بورڈ میٹنگ میں سخت موقف اپنانے کا فیصلہ کیا گیا ہے ، پاکستان آئی سی سی سے بھارت نہ آنے کا جواب مانگے گا، بھارت نے تاحال آئی سی سی کو تحریری جواب جمع نہیں کروایا۔
