نئی دہلی (ڈیلی پاکستان آن لائن )ویمن پریمیئر لیگ کے میچ کے دوران آسٹریلوی سٹار ایلیس پیری کے زور دار شاٹ نے کار کا شیشہ توڑڈالا۔
نجی ٹی وی چینل” جیو نیوز” کے مطابق چنا سوامی سٹیڈیم میں رائل چیلنجر بنگلور اور یو پی واریئرز کے میچ کے دوران کار نمائش کے لئے رکھی گئی تھی، میچ کے دوران آر سی بی کی ایلیس پیری نے 19 ویں اوور میں دیپتی شرما کو زور دار چھکا مارا جو کار کی ونڈو پر لگا۔
میچ کے بعد ایلیس پیری نے گفتگو کرتے ہوئے کہا کہ مجھے نہیں یقین کہ یہاں میرے پاس کور کے لئے انشورنس ہے۔اس میچ میں ایلیس پیری نے 37 گیندوں پر 58 رنز بنائے جن میں 4 چوکے اور 4 چھکے شامل تھے۔
