کنبرا (ڈیلی پاکستان آن لائن) آسٹریلیا نے دوسرے ون ڈے میں بھی ویسٹ انڈیز کو با آسانی شکست دے دی.
3 میچوں کی سریز کے دوسرے میچ میں آسٹریلیا نے پہلے بیٹنگ کرتے ہوئے مقررہ اوورز میں 9 وکٹوں کے نقصان پر 258 رنز بنائے، شان ایبٹ نے 69 ،میتھیو شارٹ نے 41 اور کیمرون گرین نے 33 رنز کی اننگز کھیلیں جبکہ مارنس لبوشین اور ارون ہارڈی 26، 26 رنز بنا کر آؤٹ ہوئے۔ ویسٹ انڈیز کے گوداکیش 3، الزاری جوزف اور روماریو شیفرڈ نے دو دو وکٹیں لیں۔ 259 رنز کے ہدف کے تعاقب میں ویسٹ انڈیز 44ویں اوور میں 175 بناسکی۔کیاسی کارٹی 40 رنز بنا کر نمایاں رہے، شائی ہوپ 29 اور روسٹن چیز نے 25 رنز کی اننگز کھیلیں۔ آسٹریلیا کی جانب سے شان ایبٹ اور جوش ہیزل ووڈ نے تین تین وکٹیں لیں جبکہ ول سدرلینڈ 2، ایڈم زمپا اور آرون ہارڈی کے حصے میں ایک ایک وکٹ آئی۔
