پاکستان کرکٹ ٹیم کے اسپن بولر ابرار احمد اور فاسٹ بولر خرم شہزاد کا ری ہیب شروع ہوگیا۔
پاکستان کرکٹ بورڈ (پی سی بی) کے اعلامیہ کے مطابق ابرار احمد اور خرم شہزاد نے این سی اے میں ری ہیب شروع کردیا ہے۔
پی سی بی کے مطابق شاداب خاب پانچ ہفتے کے ری ہیب کے بعد فٹ ہیں۔
اعلامیہ کے مطابق ابرار احمد آسٹریلیا میں پرائم منسٹر الیون کیخلاف میچ میں دائیں ٹانگ میں درد پر سیریز سے باہر ہوئے تھے، جبکہ خرم شہزاد آسٹریلیا سے پہلا ٹیسٹ کھیلنے کے بعد اسٹریس فریکچر کا شکار ہوگئے تھے۔
پی سی بی کا کہنا ہے کہ شاداب خان کو قومی ٹی ٹوئنٹی ٹورنامنٹ میں ٹخنے کی انجری کا سامنا کرنا پڑا تھا۔
