بنگلا دیش کرکٹ ٹیم اگست کے تیسرے ہفتے میں پاکستان آئے گی، دورے میں بنگلادیشی ٹیم دو ٹیسٹ میچز کھیلے گی۔ ٹیسٹ میچز ورلڈ ٹیسٹ چیمپئن شپ کا حصہ ہیں۔
ذرائع کا کہنا ہے کہ ٹیسٹ میچز کراچی اور راولپنڈی میں کروانے کی تجویز ہے۔
پاکستان اور بنگلادیش بورڈز کے درمیان دورے کے شیڈول پر بات چیت جاری ہے۔ بنگلادیش کرکٹ ٹیم کے 20 اگست تک پاکستان پہنچنے کی تجویز ہے۔
ذرائع نے بتایا کہ پہلا ٹیسٹ 25 اگست سے شروع کرنے کی تجویز ہے جبکہ دوسرا ٹیسٹ ستمبر کے پہلے ہفتے میں کھیلا جائے گا۔
